超聲波導出導入機 - BYE BYE日立機

係呢段期間去左日本, 睇左好多美容機~

其實日本有唔同牌子既導出導入機, 仲要係function多好多~唔係來來去去得haba同hitachi~
今次去日本買左部超音波導出導入機, 清潔比起離子導出好千倍(好誇張)~
返到黎已經無掂過部日立導出機~
而且有導入功能皮膚好左好多, 就算唔化妝出街唔怕啦~呵!!

呢個係第一日係酒店做既導出~相比起日立既效果真係嚇死人~

呢個係無化妝既導出~ 效果都好過日立~

韓國遊 - Acacia hotel / Kangwon Land Hotel

相信去咁多次旅行之中, BOOK 韓國酒店係數一數二地困難

我對酒店係有D要求, 有一次旅行為左貪平, 間酒店又dirty又好似撞撞地野~

真係寧願比多少少錢大家會住得舒服D安心D~

韓國既酒店地點方便就多數係情侶酒店, 交通唔方便正正式式既酒店又會好貴~~文化唔同真唔明??!!

情侶酒店toilet係透明/ 磨沙玻璃, 仲要對住張床咁~而且浴室更係無門~

我地成班朋友去到真係勁>///<, 最後我地都係屈服於錢同地點之下住情侶酒店

Acacia hotel係搵咁多間評語比較好既一間, 而且有d style咁睇下~

係訂之前已經request左所有浴室係要有門既, 最後只係得一間有~

另一間仲要係張床對住toilet加無門浴室~連浴簾都無~果下真係幾接受唔到........

唔好以為好整齊幾好咁, 個水龍頭係甩嫁~地下又無吸慶又無掃地~仲要收700蚊一晚~

呢個trip我地仲去左江原道high 1滑雪場滑雪, 果邊比較偏遠, 由機場到滑雪場搭車都要五個鐘~

由於high 1係大型既滑雪場, 裏面仲有酒店同賭場~可以玩足幾日,我地呢度book左Kangwon Land Hotel~千幾蚊一晚物有所值!!!

呢度service 同設備終於似返間酒店, 住得十分舒服~美中不足係酒店既餐廳價錢都偏貴, 要去左滑雪場外既餐廳食飯呢~

仲去左賭場, 呢間係韓國唯一既賭場, 同澳門比起好唔同~

我地幾個人完全逼唔到去任何一張"木台", 每張都有5-6層既韓國人圍住~

最攪笑係d籌碼疊到超密超高,d籌碼係疊到同人一樣高~ 

俄羅斯輪盤上係睇唔到"木台"上既號碼同字!

真係難為個荷官~哈哈~

自從搞過呢個韓國trip後就怕怕~相信我十年內都唔會返呢個地方~

日本東京箱根溫泉之旅 - 仙石原品之木一之湯

相信好多人去日本都第一時間諗住溫泉酒店~

如果跟旅行團的話好多時酒店係好偏遠, 仲要除哂衫你眼望我眼地沖涼, 之後又面對面浸溫泉~果種感覺都幾...>///<

但係要自己book的話, 一係經香港agent訂至都要三千蚊, 一係就去日本網翻譯下Google咁訂~

如果唔係太識日文既人真係要小心呀~日本既溫泉酒店係分左好多種~

有d係以溫泉為主,

有d係以美食為主, 

有d係以風景為主。

溫泉的話要睇清楚要邊一種:

露天風呂 - 沖涼同浸溫泉係你眼望我望果種~

貸切風呂 - 租用一段時段浸溫泉, 有d酒店要等露天風呂時段完結先可以租用,就算租用可能男女都要分開浸~要睇清楚每間既規定

露天風呂付客室 - 客房已經有風呂, 唔洗迫唔洗等想幾時浸都得, 當然價錢一定最貴, 無$1400一個人一晚都唔得~ 

唔好以為淨訂露天風呂付客室就攪掂, 因為一間酒店有幾種唔同溫泉:美容啦, 健康啦, 消除疲勞等等

有d溫泉係以美食做賣點, 懷石料理, 刺身, 自助餐咩都有, 有排你揀~

有d以風景為主, 有可能你浸既時候對住幅牆, 亦有超級無敵大山景~ 所以真係要睇清楚自己既需要~ 

好啦~入返正題~今次住左品之木一之湯!!

呢個集團有幾間分店係箱根不同位置, 我選擇左所有評分高, 每樣都好平均既仙石原~唯一唔好處係交通唔方便~

 

我係經日本樂天訂酒店的, 除左平d之外仲可以儲積分, 非常方便~~~

係香港agent訂唔到呢一set房

係度stay一晚日本人叫一泊, 如果一食代表包一餐, 今次係訂左一泊兩食, 包晚餐同早餐呢~~訂房既時候都要注意呢個細節喔

晚餐好豐富, 仲特登訂左個刺身船, yummy!!!!

特別一讚係佢將外國人同日本人分左兩個區, staff 近外國人多, 所以基本上你一叫人佢地就立即幫你~

當晚得我地係香港人, 其他全部都係鬼佬鬼婆~ 上菜/ order / service完全係無問題!!

食飽飽回房途中有另一種浪漫既感覺~~

浸完溫泉後自然地被周公召喚, 訓完又係食既時候啦 ^V^

早餐同樣地豐富~ 

平日返工我食好少早餐,最初見到個賣相唔係好想食~尤其晨早流流見條魚比人煮到甘陰公~ 

但又出奇地美味添左三碗飯

好食到震呢~~~

櫻花盛開的箱根特別美~

以前也到日本浸過溫泉但並不喜愛, 到此一遊後先明白點解箱根溫泉勝地從無改變過~

一泊溫泉的威力比貼十多塊休足更利害, 所有疲勞都一掃而空~

下次也要再來~等我喔!!

暗瘡去印篇更新篇 (Ettusais 導入液 / HATACHI日立導出機 / AQUAMOIST 美白美容液)

好多人其實都唔怕生暗瘡, 最麻煩係去印, 少則都要幾個月長則要半年以上~

希望POST相出黎可以比大家見到成果~目標係11月中要擊退所有印XD~

想睇返點去印可以睇前一篇blog~


左為一星期後, 右為一星期前

下面係三星期後結果

左為一星期前, 右為一星期後

下面係三星期後結果

暗瘡去印篇 (Ettusais 導入液 / HATACHI日立導出機 / AQUAMOIST 美白美容液)

_{如果有睇過前篇嘅blog都知由我細到大都係暗瘡妹。自從用左導入液之後無再睇過皮膚科！
今年工作壓力大左無時間休息, 內部隔一排又失調, 再加自己懶無去KEEP用導入液, 暗瘡爆發到不可收拾既地步}。不過今次我都堅持唔睇醫生, 當年食左兩年抗生素令身體對佢適應左, 實在唔想再食藥啦~希望自己尋找另一種好既方法去對抗瘡瘡~

以下係我近排用既方法:

_{Step 1:會照平日洗面嘅程序，之後用日立導出機去除角質層先，雖然每日都洗面但唔好睇少佢，因為無去除角質層的話皮膚吸收護膚品/ 精華會爭好遠} 。大家可以見到有幾多死皮!

_{部日立導出機兩年前係日本買，約400幾港紙。最初覺得導出嘅效果唔大而無用。後期不斷testing發覺用去角質層化妝水，再由下至上逆毛穴輕輕打圈導出效果最好！}

_{Step 2:就係用呢個方法-Ettusais 導入液 + 爽膚水}

Step 3:日本雜誌都會介紹美白化妝水, 因為導出導入已用左兩種化妝水所以我買左美白液。除左可以去印更有維他命c令皮膚唔會暗啞保持光澤。

一星期前後既效果, 去瘡又唔夠訓又唔食藥係要努力D嫁啦(麻煩友一名><")

左為一星期後, 右為一星期前

左為一星期前, 右為一星期後

澳門遊 - Banyan tree悦榕莊 / 群芳自助餐

去過澳門已住過不少酒店~平既貴既都住過~

如果講五星既酒店~ 覺得威尼斯人係物有所價, 十六浦得貴字, 對上一次住仲有個慘痛既回憶~~~

Check in唔知邊條隊, 熱水唔熱, 朝早仲要好似裝修咁噪到訓唔到~ 真係火都黎呢~

好彩今次去澳門banyan tree~雖然好多人評佢check in 要等好耐, 但都一直都好期待呢個trip~

到底間房係咪真係咁大呢?嘿嘿~~~

當日正係小妹生日, 其他人仲等緊房之際, reception已經比條key我仲upgrade左間房添~~

入到去真係嘩嘩嘩嘩嘩!!!!!!!!!!!!!!!!!!!~未試過住過一間咁大既酒店房~

忍唔住已經想跳入個池裏面XDDDD

之後落左去樓下既游泳池同按摩池~夏天去真係好舒服~

下晝已經有好多人, 第二日可以late check out~好似包左個人造沙灘咁, 超級爽~~~

夜晚去左群芳食自助餐~生野有蠔/三文魚等不算太多同突出但有好多不同種類既熟食~

好岩一家大細去, 唔怕無得揀~

相比楓竹甜品不算突出~ 一心諗住狂食生野既我轉戰去熟食, 只食左一碟蠔同三文魚~就知熟食有幾掂!!

如果諗住食甜品 / 蠔 / 三文魚就唔好抱太大既期望la~

今次入住banyan tree, 不論book酒店到check in 到room service 十分貼心周到~幾點上蛋糕都會同你安排好~

當日既manager仲親手寫左張birthday咭比我呢~~

自己覺得好似去左外國渡假既感覺一d都唔似係澳門~

雖然價錢比人貴一倍但service比人多好多倍喔~下次去澳門我都係要住banyan tree呀~~~~

澳門遊 - 威尼斯人 / 楓竹自助餐

呢個係之前新濠天地開既時候, 威尼斯人做既promo~

來回飛加buffet加一晚房都係$1800~ (依家已經唔得lu~~~)

原本覺得住呢度應該好方便, 夜晚想食宵食時foodcourt大部份已close, 7仔同超級市場更加唔洗講.......

如果住澳門果邊零晨兩三點都可以隨時落街食野呢......

第二日食左楓竹lunch buffet, 質素唔錯尤其甜品~

食到一半有大量既自由行團衝入黎

想坐多陣都唔得呢.....

深圳遊 (世界之窗/ 益田威斯汀酒店 / 書城)

東門之旅半失敗後, 經同事介紹轉戰另一邊益田~

呢度有個大型商場, 超市食肆全部有齊, 商場下面就係地鐵站超級方便~

附近有世界之窗同歡樂谷, stay兩三日都無問題~

今次stay係商場上既益田威斯汀酒度, 仲要正正對住世界之窗添~

夜晚放煙花同個view真係一流~~~~

當日係聖誕節, 於是係王品台塑牛排食左個聖誕大餐~兩個人都係7百幾蚊~係香港要食同樣質素同service同樣價錢一定無囉~正!

我地又試左好多人話好食既大漁鐵板燒, 感覺麻麻地~

last day食左好多人排既江南廚子~

扺食又好食又有驚喜~

呢一邊可以將我對深圳既想法有點改觀~覺得佢地所有野比香港做得更好~

打打下我都好想返去再食呢兩間餐廳呢~~~~