今次去澳門係因為撞正有團購~~~
約二千蚊可以住澳門金沙套房+888自助餐+來回船飛, 真係扺到爛!!!
有人誤打誤撞以為買左金沙城中心既酒店點知原來係澳門金沙酒店~~~
金沙一直想住好耐但個價企得好硬喔~~~點知今次竟然賺左^^
去大堂感覺好舒服~
順帶一提, 房內用lan線 / wifi係需要比錢~~~
如果要上網的話可以到大堂, wifi速度非常唔錯嫁~~~
入到房比想像中更大更靚, 保養比想像中好完全唔覺得舊!!
相反當時住威尼斯人覺得好殘舊喔!!
仲有按摩池, 化妝台, 化妝鏡~~~女士最愛~~~!!!
如果以排名計我會覺得banyan tree >金沙>威尼斯人>十六浦~
唔講咁多, 去相啦~
夜晚我地去左食888自助餐
之前一直想食好耐, 點知我食哂自助山, 群芳同竹楓都未食888 ><"
唔知係咪咁, 佢比我想像中好似失色左既感覺~
首先係熟食真係少之又少, 以下兩幅圖已經係熟食區.....
第一次食自助餐咁少熟食~~~~唔合格!!
好多人食888都係想食長腳蟹同蠔
要有心理準備真係好多人排喔~~
影相時已接近10點所以人少好多呢~
三文魚既質素算唔錯~我地都叫左好多碟
但長腳蟹只可以叫不可不失~~~唔算有咩特別!我地只係要左一碟咁多~~
相反蠔叫左三around!!
更發現越遲囉d蠔越靚越肥大, 但因為怕食太多唔敢再囉~~
當然佢既海水味唔太重, 如果你食開$3x 隻coffin bay / white pearl未必滿足到你~
但我覺得以自助餐質素黎講算唔錯嫁啦~~
最後到甜品時間先係驚喜, 無諗過呢度可以有咁大個甜品區!!
下面呢個係必推介, 有人一口氣encore左4杯><"""""
我覺得888凍食會較多選擇&出色!
但相反鐘情於熟食就一定唔好揀呢度, 因為有=無得揀!!
另外呢度既大陸客都唔少, 但相比自助山會好得多!!
如果想少d人可以揀9點左右黎可以避開人群~
d食物質素同數量都無減嫁~~~
沒有留言:
發佈留言