東京遊- 藤子不二雄博物館

藤子不二雄博物館相信係不少叮噹迷想『朝聖』既地方, 

我男友都係個叮噹迷, 之前去東京時撞正假期買唔到飛佢已經失望到極點, 終於今次可以黎到啦。

網上都有好多教學教你點買飛, 呢度唔再重覆啦~

博物館係位於登戶站, 如果你住新宿的話可以搭小田急, 搭快線幾個站就到登戶, 相比起JR方便得多^^

一落到站已經有好多叮噹可以影, 呵呵~

你可以選擇搭叮噹巴士/ 步行去博物館~當然所有叮噹迷都比架車吸引左一定要坐啦, 哈哈~

順帶一提, 其實市內好多圍欄有叮噹既logo, 我地一路坐車一路影~

諗住回程既時候可以周圍影下(附近景色一流), 但我既叮噹迷最後都敵不過架巴士呢

我地當日買左最早場既飛, 第一時間衝左入餐廳~

職員帶左我地去個落地玻璃view,可以睇哂全個外園景~^^

餐廳裏面連坐位既號碼 / 杯墊都有叮噹, 連我唔係佢fans都好興奮~

叮噹coffee真係唔捨得飲T_T

我地叫左個CAKE同個豬扒飯, 個飯好好味, 食完仲有驚喜呢~

我食唔到咁多, 淨叫左個cake, 不過都忍手好耐先捨得食T_T

你地發現到相中著住叮噹衫既人ma?!! XD

佢去到邊都比D日本妹話佢"kawaii" 

咳咳.....係指件衫XD

連餐具走廊都不停有佢既縱影 XD

我地好似道士上身捉鬼仔, 不停係咁搵呀搵呀, 追住佢係咁影~~~~~~

外園景, 大家都見得多, 跳過另一part la~~

剛遇到一班幼稚園學生黎參觀, 佢地玩得好開心~一人可以影一幅相~~

佢地既教育真係好好, 個個都好有禮貌排隊影相,去到兒童區唔會搶野爭野玩,  

一個老師帶咁多隻馬騮仔相信日本先做到~

兒童區+ 電影區~

裏面有多地方唔比影相, 如果想睇就要親自去一次啦

比個tips大家, 買飛時佢有mark到時間幾點開始至幾點完結, 當日平日場館唔係好多人, 係唔洗係指定時間內要走~

如果你係買last一場, 又要去餐廳又要去影相睇電影真係趕左d la~

去程時我地發現左一個好靚既地方, 好似係電影/ 電視劇見既畫面, 

回程時我地決定去遊下~如果你搭小田急去登戶應該都會望到呢個靚景~

我地坐左係度個幾鐘, 舒服都唔願走~ 

打下打下都好想返黎呢度多一次喔~~~~

又來個大雜 - 姐妹化妝/ 化妝造型分享比較/ 姐妹化妝小貼士

今次化既姐妹唔多, 大家皮膚好好喔~真係好羡慕呢~~

除左化妝工作之外, 仲有化妝造型噢~

今次既Model本身係單眼皮, 如果戴上假眼睫毛後眼皮會出現多摺既問題~之前曾成功為佢調整過(左圖)

可惜我還是深信每個女仔都有自己既優點, 單眼皮不是末救, 用濃妝遮蔽也實在太浪費了喔~

自己覺得可以再做得好d, 再可帶出清簡自然惹人憐愛既感覺, 決定再為佢做多次造型~

每個人既觀點與角度不同, 有d人會覺得我化左圖上鏡岩岩好~

上圖感覺精神但帶點剛強感覺~

右圖帶出係另一種柔弱, 自然, 楚楚可憐既感覺~

雖然兩個妝都出只一個人手筆, 哈哈~

唔知大家又鐘意邊一種呢??

姐妹化妝小貼士:

不知道為甚麼最近收到的化妝查詢也很趕~有的是一/兩日至星期前查詢化妝服務呢~

如果要預約姐妹化妝等, 大約要在婚禮約三個月至半年前要預訂好化妝師, 有的新娘已經查詢了明年9月檔期喔^^太趕的話實在難以安排, 請多多見諒~

另外預訂化妝師要問清楚化妝師當日有無檔期, 期後再查詢價格等~在預約時才發覺沒有期又會浪費左好多時間~~要多多留意喔!!

另外為姐妹化妝時佢地會好在意自己既皮膚, 往往忽略了髮型~

有時候姐妹會係一兩個星期前cut髮, 有d會係當日洗頭勁落護髮素~

如果頭髮太軟會好難造到一個好既造型~頭髮太碎的話, 要造低髻時會有好多一條條髮碎飛哂出黎無咁好睇~

記住前一日唔好用護髮素洗頭, 最好一個月前要整好把頭髮就最perfect啦~

LIKE Facebook專頁可以享有化妝及髮型優惠噢~ (可按左上icon)

E-mail: cathyleungmakeup@gmail.com

Causal Pre-wedding 分享/ 化妝造型分享

早前影既pre-wedding終於有得睇啦。

當日化妝/ 拍攝時間比想像中長, 室外拍攝與室內拍攝完全係兩回事黎呢, 

當日後半部更下起細雨, 我地上左一課好寶貴既一課。

今次既新娘子係單眼皮, 用左網狀隻眼皮貼同佢調整, 唔知大家又睇唔睇得出呢~~~嘿嘿!!

可惜新娘子因工作關係不能染髮, 如果染左我相信個效果會更靚喔~~~

兩位新人未有拍過任何pre-wedding經驗, 之前擔心過唔識擺post望鏡頭~~~

causal pre-wedding下, 自然地捕捉二人的小動作, 之前既擔心係多餘既XD望到一張張相, 更令我愛上causal pre

wedding呢~

很喜歡這張相, 雖然二人話不多, 但有很多sweet sweet的小動作呢~~

 

新娘子有很好的輪廓及小酒窩, 很羡慕呢.....

 

很多人跟我說過我化的妝真係很淡呢.....

放棄用誇張眼睫毛, 粗粗的眼線來帶出有神大眼妝既效果, 其實一點也不容易呢。

就算看似簡單既髮型, 事前也要做很多準備功夫, 要著重整個髮型立體效果, 並唔係只顧正面造型呢~

清淡自然帶出客人既優點係我化妝既目標喔~fighting!!!!

LIKE Facebook專頁可以享有化妝及髮型優惠噢~ (可按左上icon)

E-mail: cathyleungmakeup@gmail.com