近來幫人客人化妝時常談及暗瘡同去印既問題~每次話比佢地聽舊歷史既時候佢地都唔會信, 直到佢地見到我d印~
最近有人試完後同我講個方法真係work左~終於有決心地寫最後一篇既暗瘡去印完結篇~(如果唔知我講緊咩, 可以追返之前幾個暗瘡post)
--------------------------------------------------------------------------------------------------------------
如果你面上有暗瘡的話, 可以Ettusais 導入液去消左暗瘡先~ (舊post有提及)
不過呢個導入液係要長期keep住用, 如果唔係好可能隨時爆返瘡~
--------------------------------------------------------------------------------------------------------------
當你d瘡已熄既時候就可以去攪去印, 導出導入機係其中一個好大既成功因素~
一來佢可以幫你清潔, 二來係可以去角質層後皮膚更加容易吸收精華~
好多時人地都問我已經洗得好乾淨啦喎, 仲要去做導出? 角質層唔係一般洗面可以洗到, 有d死皮塞住係毛穴你搽幾多錢上面都吸收唔到嫁~當你清乾淨毛穴再導入就會事半功倍啦~
之前我有介紹過日立機, 其後我轉左另一部超音波導出導入機, 大家可以去睇下兩者既分別~
---------------------------------------------------------------------------------------------------------------
有人都問到底我要導入d咩~
美白液, 維他命c化妝水, 日本藥房可以買到導入化妝水等, 每樣性質都唔同。美白可以去印，維他命c可以令皮膚回復光澤等。日本藥房有好多導入嘅化妝水，維他命c/e、去紋、抗老咩都有，睇返你想keep好皮膚d咩啦~
---------------------------------------------------------------------------------------------------------------
希望可以幫到大家皮膚得到改善, 尤其係長期食藥都仲爆瘡既人完全明白果種灰既心情~
如果個皮膚唔好, 就算我用幾貴既化妝品都好, 暗瘡會出油都會令個妝極速溶化~ 見到我爆哂瘡嘅皮膚都可以改善到，各位加油唔好灰心呀!
