中伏關西旅(二) - 白濱
Cathy自問唔算係日本通, 但都唔係第一次第二次去關西......
自311大地震後好多人轉移遊關西, 多左好多pass既出現~JR、私鐵,、地下鐵、巴士每個營運都出N張pass~單係去神戶已經有十多張pass~一向plan去日本都好興奮既我, 第一次為呢次trip行程發脾氣~因為你唔清楚自己想去邊確認唔到行程, 買pass真係買到你破產
繼上次被本閃令令書既地圖被騙後, 受過教訓後就用另一個方法去篇行程....可惜又係一樣中伏......
關西真係好多香港人, 24小時激安、心斎橋一籣9成都係充滿香港人, 行街囉住本旅遊書....嗯....又係香港人~係白濱遇到對香港人好明顯唔係新手 (原來真係有樣睇XD), 傾傾下大家都問點解我地黎到同上網/ 旅遊書唔同~疑問1: 有馬溫泉有咩特別咁值得介紹??疑問2: 點解白濱要玩兩日?
上一篇已經講左有馬溫泉, 今次要講白濱~不論旅遊書或上網或forum都提議白濱要玩兩日.....除非你想去adventure word等地方, 如果你要去睇景, 只要你做足哂功課~計好JR同巴士時間, 唔浪費時間等巴士~白濱絕對係唔需要stay一晚!!!
當日我地搭最早既一班JR去白濱, 10點12分已經到達~
我地行程係打算係咁:
TORE TORE市場->三段壁->千疊敷->白濱海灘->圓月島->TORE TORE市場->Hotel
睇住時間表買PASS同影相, 唔洗半個鐘已經黎到~
好期待呢一站可以睇解體SHOW, 食TORO同BBQ~
新鮮即食大TORO, 第一次食到咁既口感:係爽身~
我已經忘記左食三文魚XD
三文魚同海膽都好味, 但比起築地有距離~
BBQ令我地覺得好失望~
見住佢比D唔靚既生蠔我地, 佢好快手執左堆比我地, 想揀都揀唔切 ~
D蠔係青色~SO BAD!!!
鐘意食蠔既我食左一隻都頂唔到....
我地去日本咁多次真係未見過D咁衰既日本人~
只能嘆有太多遊客, 佢都唔憂無生意做~
但佢唔明白咁只會令人唔會再想返黎~
最後既comment係: 呢邊應該盛產toro囉~
呢邊玩左兩個幾鐘就去三段壁~
有d巴士時間隔幾分鐘, 有d係要等半個鐘以上~都係果句, 你去下一站前睇左巴士時間先~
搭十分鐘車已經到三段壁~
呢度其實用一個鐘內已經可以睇完+影相~
當日遇到有人唔小心跌崖, 救護人員真係好pro好快救到人~
我地係度睇左好耐先走~
各位去到都要小心d呀!!!
原本打算去千疊敷, 不過我地覺得同想像中太大分別~所以直接去沙灘算啦~
沙灘係靚既, 不過比想像中細~
相比香港沙灘係少石, 水清~
如果你去過東京既沙灘, 呢度相比係細好多同dirty好多~
我地黎到真係幾無心機, 去左沙灘後一個小亭食野~
老闆娘好好人, 推介我地坐位叫我地睇海景~
又係咁推介呢個比我地食~
比d醬我地試~~
佢仲有炸薯條同長香腸食, d野食幾好食嫁~
我地再encore多杯刨冰~
呢度既刨冰係我地食咁多次刨冰最好味既一次~
如果黎到呢度真係可以試下~
好舒服, 老闆娘又好好人添喔!
當我地食完野, 都只不過係3點鐘~
原本打算去圓月島, 大家都決定不如cancel la~
直接返hotel算啦~
第二日我地打算去adventure world玩~
但都決定cancel寧願返大阪玩~
相信我地就算去千疊敷+圓月島再返TORE TORE市場返白濱站~
絕對係可以搭到最尾班車返大阪~唔洗留一日~
所以我地黎到白濱真係十萬個問號~
就連我地遇到既香港人都問我地同一個問題~絕對係可以搭到最尾班車返大阪~唔洗留一日~所以我地黎到白濱真係十萬個問號~就連我地遇到既香港人都問我地同一個問題~
唔黎白濱的話我唔會買jr pass, 又可以save返好多錢呢~幸好當晚住既hotel唔錯, 我地先覺得有返d開心既感覺~
最後comment:
嗯.......除左TORO同住果間HOTEL外 , 其他野都無咩特別==" 唔係新手既可以留返D錢同時間去過另一度啦~
中伏關西旅(一) - 有馬溫泉 / 六甲山 / 摩耶山
Cathy自問唔算係日本通, 但都唔係第一次第二次去關西......
自311大地震後好多人轉移遊關西, 多左好多pass既出現~
JR、私鐵,、地下鐵、巴士每個營運都出N張pass~單係去神戶已經有十多張pass~
一向plan去日本都好興奮既我, 第一次為呢次trip行程發脾氣~
因為你唔清楚自己想去邊確認唔到行程, 買pass真係買到你破產
繼上次被本閃令令書既地圖被騙後, 受過教訓後就用另一個方法去篇行程....可惜又係一樣中伏......
關西真係好多香港人, 24小時激安、心斎橋一籣9成都係充滿香港人, 行街囉住本旅遊書....嗯....又係香港人~
係白濱遇到對香港人好明顯唔係新手 (原來真係有樣睇XD), 傾傾下大家都問點解我地黎到同上網/ 旅遊書唔同~
疑問1: 有馬溫泉有咩特別咁值得介紹??
疑問2: 點解白濱要玩兩日?
首先講左有馬溫泉先~~
原本我係無打算去有馬, 因為想去六甲山同摩耶山,
見到有馬有CABLE去六甲又順路, 好自然就會想三個地方一齊去......
問題就產生.......你......又會見到有三個PASS唔知揀邊個好.......
(1) 有馬六甲周遊劵
(2) 六甲摩耶ENJOY PASS
(3) KANSAI THRU PASS
想知呢三張PASS係咩, 呢個網頁已經寫得好detail唔再重覆啦~
http://nicklee.tw/index.php?load=read&id=1453
當時我篇行程時已經問, 明明三個地方咁close點解唔將佢地group係一張pass呢??
去到既時候....我終於明白啦........
當日搭左兩個多鐘車黎到有馬, 一落車真係嚇左一跳......
相中既包剛好遮住個站, 只係一條小路旁!
我真係黎左有馬溫泉??點解會係咁??
當時好無奈, 見到有個觀光center就行上去~
原來有馬cable要行3600m........
問佢有無巴士可以上去, 佢話有馬係無巴士 (嚇), 只可以行路或搭的士 (我地望出去一部的士都無~~嚇嚇嚇嚇~~)
當我地決心想行上山既時候佢突然走黎走去~
之後同我地講話大太風個cable close左 (呆)
我地得兩個選擇, 一係坐最少40分鐘的士去六甲山, 一係要落三宮轉阪急六甲再轉巴士轉六甲cable上山~
我實在太想去六甲山, 係【所謂】二選一既選擇下而附近又無的士.....我係選左二......
center果個人好好人, 比左呢張圖我, 真係救我一命~
加上有b mobile即時查鐵路時間, 可以一個鐘內上到六甲山
好慶幸睇pass時我係無另買pass, 只係用左Kansai thru pass~ 心情總算好返d~~
一場黎到又未有車就去金之湯睇下~
得一對係日本人, 其他全部都係香港人~
浸得真係幾舒服, 要我搭兩個鐘車黎, 附近又無咩野行, 為浸金之湯完全唔值得~
幾經轉折, 用左一個鐘黎到六甲cable, 原來摩耶山cable都close左~
plan左咁耐既行程最終都係去得六甲山~
上到黎個view真係幾靚, 原本我諗住去摩耶山睇夜景~可惜真係無緣~
之前問過:明明三個地方咁close點解唔將佢地group係一張pass呢??
大家睇完應該明白~
原來大風的話, 有馬同摩耶cable都會被close~
其實當日天氣好好, 我地又唔覺得好大風, 到底佢地準則係咩呢?
幾時為之大風要close真係唔知~
官網又無公佈~
為確保你買左pass又有野可以行到, 六甲山係唯一一個唔受影響既地方~
如果將佢地group左一張pass, 有可能去三個地方變一個地方~
咁買左pass既人一定會覺得唔扺玩~
有心水清既人會講, 其實有架巴士係可以上到摩耶山嫁~
yes~不過一日得7班~last一班巴士係5點幾~
我地計過巴士睇唔到夜景所以give up左~
如果大家想一次過去呢三個地方, 真係要諗清楚隨時因天氣而要轉行程~
相信大家最擔心唔係行程, 而係既係手上買左既pass要點用~
希望呢篇blog可以幫到大家去決定買咩pass啦~
訂閱:
文章 (Atom)