關西遊 - 白濱とれとれヴィレッジ

之前講過白濱遊中伏篇, 令我地開心返係住既hotel~
當晚我地住既係とれとれヴィレッジ

plan白濱一程時睇左好多推介既hotel, 但我地覺得好貴唔值得~
於是上日本既hp睇, 見到呢度又平又好評語而且又有新鮮感, 所以就鎖定左呢度~~

不過...要訂呢度並唔係一件易既事......
HK AGENT係有得訂呢度, 但係可以揀既plan係0~
係jalan同樂天既plan都少, 當日我地打算訂星期六, 發現經呢兩個網係我地想住既時期係無得訂星期五同星期六~
仲有訂個價係貴d喔~

最後我係經官網訂, 一來可以揀新棟, 二來可以揀食咩餐, 配對咩玩樂(例如釣魚 / 浸溫泉 / 浴盤等)
如果你只係想貪住一晚唔食野都可以就咁訂一晚~
而價錢係根據你選擇既plan變貴或平~開心好多~

當我好開心係佢地官網訂房後, 收到既係一個暫時既訂房mail........
係需要打電話再確認訂單><"""
當時真係心情一沉, 我地睇左好耐hotel先揀到心水喔~

等既過程好辛苦, とれとれヴィレッジ係無對外 / 或接受任何查詢既mail~
全部只能以電話確認 / 查詢~
當時係勁有衝動要打過去~幸好落order時打算為男友訂生日蛋糕同佢講明我地係香港人~
最後過左幾日後有職員contact我係咪認訂單~
如果唔係我相信佢唔會回覆我喔 T_T





當日我地黎到時好興奮, 第一次見到咁既屋~
每一個真係好kawaii~

呢兩張係展望台影, 夜晚同朝早有唔同風味~嘿~~~~~




我地住既係新棟, 新棟都有唔到style, 我地鐘情於呢個~
住係度好舒服, 雖然睇落好細但咩都齊哂, toilet同浴室好大企兩三個人都無問題~
toilet仲要係用新式toilet, 浴室仲有個大浴缸^^講真關西好少用咁update款拍得住東京呢~
一句講哂: 完全超值~

每個人有一套沖涼用品 + 洗面 / 護膚sample~

實在包裝得太靚~我忍唔住手囉左返香港~~~^^




訂房時想訂生日蛋糕, 日本人做野真係好仔細~
你要寫咩msg, 幾多支candle, 幾時出蛋糕每一樣都問得好清楚~
同佢地來回左一個月e-mail先訂到呢個蛋糕~~~~(苦)

幸好 d staff好好人~
基本上你提出咩要求佢地都會幫你~(當然要合理喔~)
所以未入住之前已經得到唔少分數^^

順帶一提, staff只係識得日文, 如果用英文溝通會比較難喔~
我既日文文法一向都係最差, 係呢個月真係比佢地d staff train到同考日文試無分別

不過為左我既CEO咩都值得
哈哈, 而且又未試過係日本食過生日蛋糕~嘿嘿~
唔甜仲好好味~兩個人好快KO成個蛋糕




當晚我地揀左食自助餐,
好多野食同好好味, 仲每枱送刺身又包野飲~
勁滿足^^

第二日離開時真係勁唔捨得呢度~
間屋比想像中住得舒服, 睇睇下電視又訓得著~
加上當日得我地一對外國遊客, 完全充滿住渡假既感覺~

成個白濱trip令我最難忘既就係呢度唷~^^