瘦面器

之前因為爆暗瘡唔敢用瘦面精華, 塊面一日脹過一日~唯有搵返呢個小玩意出黎~

一直以來都好想要呢個瘦面器, 每次見日本電視節目d女明星手袋既必備用品~佢地話日日都要用~之後包包面真係可以變尖~(真?好就買個試下)

初時用既時候覺得唔舒服, 碌得一d都唔順暢同幾痛就放棄左~(做明星真係幾大代價嫁.....)

近期塊面太大無計都要局住用, 今次將佢拆左兩part, 第一part做面第二part做頸~

可能唔一齊用舒服好多, 無痛既感覺~碌碌碌碌十五分鐘到, 塊面真係無包喎~好神奇~之後再做頸都好舒服~

查返佢地個原理係因為淋巴唔好會有水腫, 同瘦面精華同一樣, 都係幫助通淋巴~所以每次用完呢兩個產品後塊面有少少熱既感覺~

第二朝起身時都無彈回原形~唔錯唔錯!!!

網上有人話唔可以用得太多, 拉面皮會變鬆~不過見日本女明星個個都用~我就唔係好信啦~

**個人做法: 同瘦面精華一樣, 我會用少少推額頭->眼下->面頰->頸去通全個淋巴。而呢個步驟對我係最有效 =) **