關西遊 - 尋找二宮和也讚絶漢堡扒

男友本身係漢堡扒迷, 係香港已經好鐘意食~

但自從食過日本漢堡扒後, 每次去日本都要必點漢堡扒~~

仲要係每一日總有一餐都見到....

漢堡扒....既存在.........

幾年前睇二宮和也一個節目, (大家都知佢係漢堡扒迷)~

見到佢同主持人食既表情就知超級好味!!!兩個食到係咁笑~

仲話食左咁多年未食過呢個口感~~好吸引!!

於是打算如果去關西時一定一定要試下呢間野~~~

今次咁岩去旅行時碰上男友生日, 係網上搵定好資料打算同佢生日正日去食~~

當日去到店員帶左我地去二樓既一個小閣仔~有點似西式餐廳既感覺~

其後有個大廚走黎招呼我地, 介紹餐牌menu~

原本我地打算只食漢堡扒就走人XD

佢見我地係遊客好努力用英文介紹menu同餐牌推介比我地~

係咁貼心既招呼下, 我地比個menu吸引左叫左呢個限定fusion set啦~~~~

大廚介紹睇menu時望過下, 但我地無諗過第一道菜係海膽布甸~

一開始心情已經大好, 令人更期待到底漢堡扒好味程度係點??!!!

要一讚既係, 佢唔係普通咁海膽+布甸就上菜

海膽與布甸之間仲有一層類似清湯味既啫喱

    唔會令海膽或布甸既味太搶之餘, 口感/ 味道可以好平均咁有三種唔同感覺~

    真係好好味! =)

    

   燉牛骨+烘面包~

   見到用骨作載食物既用具, 又係另一個suprise!!!

   燉牛並不是我杯茶, 但佢既汁配面包真係一絶!!!

   唔識得用文字點去形容, 一個字: 正!

南瓜湯~~

送上黎時並唔覺得有咩特別, 一飲時先知佢係凍既南瓜湯!

除左可以洗去剛才重口味燉牛骨, 加上熱食再飲凍湯既magic就出左黎~

不禁真係好想讚日本人對食既執著同要求~~

凍熱, 濃淡既層次分明一次過出哂黎~~~

燒魚

說真係燒魚我覺得有點唔岩口味~

佢燒得好鬆脆但我同我男友都好怕食骨~

成條魚有太多細骨連肉, 我地整得好肉酸之餘又唔識得點食~

店員等左我地好耐見我地好似停手先收碟~~~

牛舌沙津

 先濃後淡既對比

平時係香港食沙津會落好多醬~ 醬既味道大過一切~~

相反呢個係牛舌比醬既味道更突出~

減淡魚味之餘又唔會太dry或淡~~very good!!

然後店員送上呢杯野類似水果味沙冰比我地~ (其實有名但唔記得左XD)

清晒口中既味之餘帶點水果清新既感覺~~~

 重頭戲黎啦, 我地期待左個漢堡扒終於出現~~

 以前我地食過入口即溶既25層豬扒~

 今次旅程又食左A5 No.10-11, 果種入口即溶一試難望~~

 無諗過連漢堡扒都可以入口即溶~~

終於明白佢地果日係電視笑到出唔到聲既感覺~~

男友更以極速KO左佢~~

未食前佢話食過好多次漢堡扒, 呢個到底可以有幾好食?

食完後佢已經plan定如果去東京可以搭程新幹線返黎食漢堡扒再返東京~


最後仲有甜品同餐飲

質素都係Very good ar!!

二人食呢個set其實一d都唔平, 加起黎都要港幣$1500以上~~

就算係咁我地都覺得非常值得!!

好多時去日本都係衝衝衝衝, 無咩時間會停係度食一餐full set!

更加唔會特別選擇去食西餐同fusion菜~~

呢一餐令我地覺得錯過左日本人對食既文化同執著~~

冷熱與濃淡對比係非常有心思既設計~

另外口感分佈都非常值得一讚~~

海膽/布甸/清湯啫喱三種唔同味道口感放係一齊~

可以食出邊個打邊個之餘仲有一種"和"既感覺, 唔會覺得食緊三種食物入口不倫不類~

另外要一讚係大廚既招呼非常好~

當時店員收左我地碟魚佢察覺得到我地係唯一一碟食唔晒既餸菜~~

於是出黎問我地岩唔岩口味~

其實佢整得好味只係我地兩個偏好唔鐘意食細骨~~=(

到上漢堡扒又走出黎問岩唔岩口味~

其實我見佢對本地客無問咁多, 可能我地係遊客較生面口所以怕我地唔岩食~~~

於是我忍唔住同佢講d野好好食!佢都終於笑得出鬆一口氣~~~

到最後我地走出店, 佢都特地跑出黎同我地講左好多次多謝添~~~

對客既評價如此緊張同重視既大廚真係好少見~~ (其實佢應該係老闆黎)

希望我地快d可以再去食多次啦~~~XD