半澤直樹

記得以前好鐘意睇日劇，唔知點解可以日日都追日劇～

電車男、花樣男子、求婚大作戰一放學放工就忍不及待要返屋企睇。

自從網上開始越黎越少放日劇，自己都習慣左少追劇。

對上一套口碑不錯嘅《家族遊戲》令我重回追日劇嘅心，一口氣追5集。

但呢套《半澤直樹》係誇張到就算無得訓都要追哂佢！！！

同家族遊戲一樣，劇中內容都係反映現實生活中、人性等問題，係近年來能吸好收視之一嘅原因。

但半澤直樹更有另一大嘅吸引點，係講及職場以及日本階級觀念問題，

如上司向下屬土下座對日本人黎講絕對係天方夜譚，因此尾集嘅土下座更破日本收視率紀碌。

劇本吸引之餘，其中拍攝手法以及人物、背景嘅描述都好值得欣賞。

如果有追開日本電視節目，佢地對會較執著邊度"出身"

雖然我地眼中只見一個日本，但東京/關西/九州出身嘅人背景同性格係有好大分别。

劇中/字幕雖無詳細表明，但口音及性格做得非常鮮明。

關西集廠老闆及情婦嘅大辣辣與總經理太太既刻制完全成對比。

以關西第一集起點嘅咖啡以及上戶彩師奶大會，更可反映出與關東天淵之別嘅人情味。

就連關西集直樹同老闆經常開會相討對秉策嘅地方，都要用幾個鏡頭拍通天閣入於鏡中。

實在不得不佩服佢哋嘅細心。

日劇令人著迷之處唔單只係劇本同靚仔靚女。

佢地嘅打燈、畫面構圖、拍攝手法及背後內容帶出嘅意義係有一種執著。

記得當年睇花樣男子，講及菜菜子同真央係餐廳二人對話

單係分幾鐘鏡頭就用左9個唔同角度嘅shot, 如果睇開tvb有3shot比到你已經叫好有心。

呢兩幅圖係我全套劇中最鐘意嘅部分，邊睇邊忍唔住cap圖。

越上不公平唔需要即時還戰，沉著應戰做好準備，總有一日可以⋯⋯

倍返し！！！！！